Shpëtohen pas disa orësh, 5 të rinjtë që u bllokuan nga dëbora në Fushë të Zezë të Malësisë së Madhe. Forcat e Ndërhyrjes së Shpejtë në Shkodër mbërritën në mes të avarit në vendin ku ishin strehuar të rinjtë. Ata janë mirë nga gjendja shëndetësore, me përjashtim të njërit prej tyre që ka shqetësime por pa rrezik për jetën.
Ai është vënë në barelë dhe po transportohet nga policia për në Razem, atje ku pret autoambulanca.
5 të rinjtë kishin shkuar në Fushë të Zezë per të rrëshqitur me ski, por temperatura e ulët, në kushtet kur dëbora atje është mbi 1 metër trashësi, e vuri në rrezik jetën e tyre, pasi nuk mund ta përballonin kthimin.
Operacioni i shpëtimit nisi në drekë nga FNSH Shkodër, policia e Malësisë së Madhe, shërbimi shëndetësor dhe banorët e zonës.
Discussion about this post