Gjendet pas 24 orësh shtetasja italiane 15-vjeç e cila ishte deklaruar e humbur nga prindërit. Mamaja e saj 39 vjec kishte bërë denoncim ditën e djeshme për humbjen e kontakteve me vajzën e mitur.
Policia është vënë në kërkim dhe e ka lokalizuar teksa pas shpalljes së humbur dhe daljes në media të njoftimit vajza në fjalë është kthyer në banesë, sipas burimeve të policisë së Vlorës. Në dëshminë e saj ka deklaruar se ishte larguar me dëshirë me një djalë.
Është hera e dytë brenda 3 apo 4 muajve të fundit që kjo shtetase largohet nga banesa dhe më pas ose gjendet nga policia ose kthehet sërish në banesë.
Discussion about this post