Dyshimet për një dëmtim në ligament të Zlatan Ibrahimovic e frikësuan jo pak Milanin, por duket se më e keqja është shmangur, megjithëse fatura është ende e kripur.
Zlatan Ibrahimovic la fushën në minutën e 66-të në ndeshjen e mbrëmjes së shkuar ndaj Juventusit dhe me dhimbjesh të mëdha kërkoi zëvendësimin.
Pas testeve të kryera rreziku për dëmtim të rëndë është eliminuar, megjithatë rezonanca do të jetë ajo që do të heqë çdo dyshim, por për këtë do duhet të presim.
Mësohet se rezonanca është shtyrë për nesër sepse gjuri i Ibras është ende i ënjtur. Gjithsesi, është thuajse tërësisht e sigurt se ai nuk do jetë në dy ndeshjet e radhës ndaj Torinos dhe Cagliarit.
