Policia e Shkodrës ka gjetur të pajetë 48-vjeçaren, e cila ditën e djeshme u raportua si e zhdukur nga familjarët e saj. E ndjera është gjetur në një grykë shpelle në fshatin Meshqerraj, ku për shkak të terrenit të vështirë është dashur ndërhyrja e forcave RENEA, për të bërë të mundur nxjerrjen e trupit të pajetë.
Sipas dyshimeve të para njoftohet se 48-vjeçarja mund të jetë vetëhedhur. Ndërkohë grupi hetimor po punon për të sqaruar me detaje motivet e kësaj ngjarjeje.
“Në kushte shumë të vështira, shërbimet e Policisë kanë mundur të hyjnë në vendin ku dyshohej se ishte vetëhedhur shtetasja Sh. H. dhe kanë bërë të mundur gjetjen e trupit të pajetë dhe nxjerrjen e tij nga vendi ku ishte hedhur 48-vjeçarja” thuhet në njoftim.
Discussion about this post