Bardhok Noka i dënuar më parë me 14 vite burg, është lënë i lirë nga Gjykata e Apelit të Tiranës, ndonëse akuzohej për tentativë vrasje. Mësohet se në përfundim të gjykimit, Gjykata e Apelit Tiranë, e përbërë nga trupi gjykues me relatore Gjyqtare Edlira Petri dhe anëtarë Valdete Hoxha dhe Genti Shala vendosi ndryshim të vendimit të Gjykatës së Kurbinit dhe deklarimin të pafajshëm të Bardhok Nokës.
FNSH arrestoi Bardhok Nokën, mbrëmjen e 3 qershorit 2020, përmes një operacioni në kushte të larta sigurie një person të shumë kërkuar në Laç.
Operacioni u zhvillua në bashkëpunim me policinë e Laçit, e cila kishte informacione për vendin ku fshihej i shumë kërkuari.
Ngjarja më e rëndë sipas policisë është ajo e 29 prillit të 2020, ku Bardhok Noka dhe një tjetër person akuzoheshin se kanë qëlluar me armë zjarri ndaj një makine tip BMË me qëllim vrasjen e Kevin Shabanit. Për fat të mirë, objektivi shpëtoi. Akuza e dytë lidhet me armëmbajtjen pa leje nga ana e Nokës, e cila ka të bëjë sërish me këtë ngjarje.
Discussion about this post