Ka arritur të arratiset nga burgu në Kosovë, Marko Roshiç, i dënuar me 8 vite burg dhe 10 mijë euro gjobë nga drejtësia për vrasjen e politikanit serb, Oliver Ivanoviç.
Lajmi është konfirmuar për mediat e Kosovës nga zëvendësdrejtori i Policisë për veriun e Kosovës, Veton Elshani.
Më 28 qershor të këtij viti, Roshiç së bashku me Nedelko Spasojeviç, Dragisha Markoviç dhe Zharko Jovanoviç u dënuan në total me 22 vjet e gjashtë muaj burgim nga Gjykata Themelore e Prishtinës, ndërsa Sillvana Arsoviç u lirua nga akuzat.
Politikani Ivanoviç u vra më 16 janar të vitit 2018, para godinës të partisë së tij në Mitrovicë të Veriut.
Discussion about this post