Komisioni Qendror i Zgjedhjeve në Kosovë ka vendosur që të largojë nga Lista Serbe kandidatin Ivan Todosijeviç, i cili është dënuar më parë për masakrën e Reçakut, ku mbeten të vrarë tre banorë. Ai është zëvendësuar me kandidatin e radhës nga i njëjti subjekt politik Marko Stefanoviç.
KQZ tregon se, heqja e mandatit ka ndodhur për shkak se Teodosijeviq është dënuar me vendim të formës së prerë prej 2 vitesh burgim për masakrën e Reçakut, pavarësisht se ai e ka mohuar.
Florian Dushi, nga Këshilli për çështje ligjore në KQZ, tha se në fazën e certifikimit të kandidatëve për asambletë komunale ka vendosur ndërprerjen e mandait për Todosijeviç. “Pas një komunikimi të ri në këtë fazë që ka ndodhur nga ana e Zyrës për Regjistrim të Partive Politike dhe Këshillit Gjyqësor kemi kuptuar që i njëjti ka qenë i dënuar me aktgjykim të formës së prerë me datën 24.06.2021, pra vetëm disa muaj para zgjedhjeve.
Prandaj, si Këshill për Çështje Ligjore kemi shqyrtuar mundësitë ose hapat që duhet ndërmarrë në këto raste dhe pas diskutimeve që ne kemi pasur kemi ardhur në një përfundim sipas të cilit, mbështetur edhe në Ligjin për Zgjedhjet e Përgjithshme, kemi vendosur që të njëjtin ta zëvendësojmë me kandidatin e radhës”, tha ai.
Masaka e Reçakut, kujtohet si tragjedia ku 21 vjet më parë forcat serbe vranë 45 banorë të fshatit. Me 15 janar të vitit 1999, forcat serbe në fshatin Reçak ndanë meshkujt nga familjet e tyre dhe më pas ata u gjetën të ekzekutuar në një mal në afërsi të fshatit. Nga shefi i atëhershëm i Misionit Verifikues të Organizatës për Siguri e Bashkëpunim në Evropë, ambasadori amerikan Ëilliam Ëalker, vrasja e 45 civilëve të Reçakut u cilësua krim kundër njerëzimit.
Discussion about this post