Xheni Kaba, 24-vjeçarja e cila u dërgua në Turqi për trajtim të specializuar ndaj Covid menjëherë pasi lindi fëmijën, ka ndërruar jetë ditën e sotme.
E reja ishte shtatzënë dhe për shkak të gjendjes së saj, mjekët vendosën të bënin një lindje të parakohshme.
Kjo ka përkeqësuar edhe më shumë gjendjen e saj duke bërë që të nisej me urgjencë për trajtim në Turqi pasi ishte edhe e prekur nga Covid.
Fatkeqësisht mësohet se e reja nuk ka mundur ta fitojë betejën me armikun e padukshëm.
Shqiptarët kontribuuan me 40 mijë euro në mënyrë që ajo të shkonte në Turqi për tu kuruar. Solidariteti dhe ndihma e shqiptarëve nuk kanë bërë të mundur që mjekimi më i specializuar ta ndihmonte të mbijetonte.
