Graciano Tagani dhe Argjira Spanca ishin kryefjala e mediave rozë gjatë gjithë kësaj jave. Dyshja e njohur i surprizuan të gjithë, teksa u mësua se ata kanë disa muaj që janë në një lidhje me njëri-tjetrin. E para ishte gazeta “Panorama”, që zbuloi se mes Argjirës dhe Gracianos ka diçka më shumë përtej marrëdhënieve të punës.
Dhe më në fund pas gjithë aludimeve, Argjira dhe Graciano e kanë konfiruar vetë me gojën e tyre lidhjen. Teksa ishin duke diskutuar për vërtetësinë e çifteve në rubrikën “Trotuar” në emisionin “E diell”, dyshja pranuan se janë bashkë.
Edi Manushi pyeti të ftuarit se cilët janë beqarë dhe Graciano me Argjirën u ngritën dhe me shaka nxituan të dilnin nga studioja për të mos folur për historinë e tyre. Por ata u rikthyen dhe me një buzëqeshje e sytë plot shkëlqim pranuan se janë bashkë. Ata thanë se kolegët e tyre në “E diell” e kanë ditur prej kohësh këtë gjë.
“Mos aktroni se ju e dini që e kam shumë inat këtë gjë. Ju e dinit të gjithë, pse bëni sikur se dini”, u shpreh Graciano.
Për t’i ngacmuar, Manushi i tha me shaka Argjirës se si ka mundësi që mes miliadra njerëzve në botë zgjodhi Gracianon si partnerin e jetës.
“Po pse mo të duket zgjedhje e keqe?”, u shpreh ajo, teksa shihte gjithë dashuri Gracianon.
U desh t’i nxirrinin zbuluar, që më në fund të plasnin çokollatat në publik edhe për Argjirën dhe Gracianon.
Sot, Graciano nuk ishte në gjendjen më të mirë shëndetësore dhe njoftoi ndjekësit se kishte pak temperaturë. Por e dini cili ishte ilaçi më i mirë për të, që i qëndron gjithmonë pranë? Pikërisht Argjira!
Ai ka filmuar moderatoren duke bërë punët e shtëpisë pranë tij, ndërsa krahas videos shkruan: “Ilaçi im”.
Të njëjtën video e ka ripostuar edhe Argjira, e cila me humor shkruan se në ditët e pushimit bën punët e shtëpisë.
Duket se që tani e tutje, do të kemi më shumë postime të kësaj natyre, që na pëlqejnë kaq shumë!
