Ministria e Jashtme e Shqipërisë njoftoi se duke nisur nga sot, 19 qershor në Greqi do të lejohet të kalojnë të gjitha kategoritë e udhëtarëve nga Shqipëria, si për qëllime familjare ashtu dhe turistike, por pika kufitare e Kapshticës vijon të jetë e mbyllur për personat e tjerë përveç punëtorëe sezonalë.
Ditën e sotme nga dohana lejohen të kalojnë vetëm punëtorët sezonale të paktën deri më 28 qershor, dhe këta në një numër të kufizuar prej 400 udhëtarësh. Nuk dihen ende arsyet e këtij vendimi, por që ka shkaktuar konfuzion te qytetarët.
Në Kapshticë, aktualisht nuk ka persona të cilët duan të kalojnë kufirin për qëllime familjare apo turizëm, por vetëm punëtorë sezonal. Mbetet e paqartë se çfarë do të ndodhë me shqiptarët që zgjedhin të shkojnë në Greqi për motive përtej punës.
