Arjan Marini, i cili u dhunua barbarisht në orët e para të mëngjesit të së shtunës në Berat ndodhet në gjendje kome në spitalin e Traumës në Tiranë. 40-vjeçari është goditur me sende të forta dhe është shkelmuar nga i riu, Sokol Tabaku duke pësuar dëmtime në kafkën e kokës dhe në tru.
Pas mbarimit të seancës, ku gjykata vendosi lënien në burg të 30-vjeçarit i cili mohon akuzat. Motra e Arjan Marinit ka folur për gjendjen e 40-vjeçarit dhe ka kërkuar drejtësi.
“Gjendja e tij është kritike, është në koma. Mjekët nuk na kanë dhënë shpresë. Dëgjova që kanë shkuar në 3 të natës e kanë goditur, vëllai im nuk është zënë me asnjë njeri. I kanë rënë kot më qafë, kush janë ata kriminelë, të dalin para drejtësisë. I thotë ky djali nga droga, janë fjalë koti. Ata mund të jenë dhe shokë. Nuk e di këtë. Shkova në mëngjes tek kunata, më tha që vëllai ishte shtruar në spital. Kur shkova në dhomë ta shikoj, vetëm gjak. Nuk e njoh personin, erdha në gjykatë për ta parë. Sikur të ishin takuar për një sqarim, nuk kishte përse ta dhunonte barbarisht. Kush ishte arsyeja ta bënte këtë, për një fjalë. Gjykata ta dënojë, ky është kriminel”, tha ajo.
Discussion about this post