U dhunua brutalisht ditë më parë në Tiranë, ndërron jetë në spital 42-vjeçari Rigels Kaso

Rigels Kaso, i cili u dhunua disa ditë më parë në Tiranë nga Bajram Gjeleshi, ka ndërruar jetë në spital tek ndodhej në gjendje kome dhe në intubim.

Kaso u gjet i dhunuar brutalisht mëngjesin e 15 Korrikut në rrugën “Sokrat Miho”, në kryeqytet. Sipas policisë, ai ishte dhunuar me grushte nga 34-vjeçari dhe i ka rënë koka në bordurë nga ku ka marrë dëmtime.

Blutë njoftuan se 42-vjeçari nga Bilishti ka komunikuar në Instagram me bashkëjetuesen e 34 vjeçarit, Bajram Gjeleshi.

Ky i fundit ka zbuluar mesazhet dhe ka shkuar vetë në vendtakimin që 42-vjeçari kishte lënë me bashkëjetuesen e tij dhe është konfliktuar me të.

Policia ka identifikoi dhe shpallur në kërkim autorin e ngjarjes së rëndë, bashkëshortin e vazjës që Kaso erdhi për të takuar, 34-vjeçari Bajram Gjeleshi.

Ky i fundit ishte ai i cili la orarin dhe vendin e takimit me Kason, nga rrjetet sociale të bashkëshortes së tij, teksa 42-vjeçar mendonte se ishte duke komunikuar me vajzën për të cilën nuk kishte dijeni që ishte e martuar, informacion për të cilin u vu në dijeni në momentin e përballë me 34-vjeçarin.

Pas një debati të nisur me tone të ashpra, situata agravoi deri në përleshje fizike, ku Kaso mori dëmtime të rënda, pasi u dhunua fillimisht me grushte nga 34-vjeçari , Kaso u rrëzua dhe i ra koka në bordurë nga ku mori edhe dëmtimin fatal i cili i shkaktoi edhe vdekjen.

Pas 4 ditëve në luftë me vdekjen, Kaso e humbi betejën e tij ndonse autori ende nuk është vënë në pranga, Policia e ka identifikuar dhe e ka shpallur në kërkim si përgjegjësi i dyshuar për dhunimin brutal të 42-vjeçarit.

gijotina.com/