U dhunua e grabit pak ditë më parë, por emri i Nazmi Çangut është përmendur edhe më parë. Ai ka qenë dëshmitar në një proces gjyqësor ndaj Emiljano Shullazit.
Ai nuk ka qenë i vetmi i cili ka dëshmuar në gjyq, pasi ka pasur dhe të tjerë persona të lidhur me fajdet të cilët morën pjesë në seancën gjyqësore. Mes tyre, i vetmi që deklaroi më pask nga të tjerët ishte Çangu, biznesmeni i dhunuar në Nikël. Aso kohe, në deklaratën e tij para trupës gjykuese, biznesmeni deklaroi se kishte pirë dy herë kafe me Ylvi Beqjan, nëpërmjet një miku të përbashkët, Sali Çekës. Ai pohoi më tej se me Çekën kishte lidhje miqësie, por ndaj Beqjas as nuk kishte dhënë e as nuk kishte marrë para. Gjithashtu pohoi se me të, nuk kishte mbajtur kontakte, por kishte folur vetëm dy herë ku ky i fundit e pyeste për shëndetin.
“Nuk mbaj mend të kem mbajtur komunikime telefonike me shtetasin Ylvi Beqja. Nuk kam folur ndonjëherë. Nuk kam diskutuar gjë me të. MË ka marrë 2-3 herë, kështu kot, më ka pyetur për shëndetin, kaq. Më ka marrë nja dy herë në telefon”, ka deklaruar Çangu.
Ndër të tjera, në seancë ai pohonte se kishte kontaktuar me të për muhabetin e Sal Çakës, ku Beqja do t’i jepte paratë që i kishte borxh.
Pas ngjarjes së Krujës, në dëshminë e Nazmi Çangut thuhet se grabitësit i morën disa dokumente në kasafortë, ndaj dyshimet e hetuesve janë se ata nuk kishin shkuar për paratë. Sipas tyre, dyshohet se grabitja në Nikël ka të bëjë me të shkuarën e biznesmenit dhe me dokumentacionet të cilat ai posedonte, që kanë një rëndësi të madhe, por ai nuk ka folur rreth tyre.
