Avokati Sokol Mëngjesi mësohet se do të transportohet me një avion sanitar drejt Athinës.
Mëngjesi, u dhunua në zonën e ish-bllokut ndërsa po dërgonte djalin në kopsht.
Ngjarja e rëndë ka ndodhur mëngjesin e 29 majit, ku pasi avokati ka lënë djalin e tij në kopësht, teksa po rrinte në këmbë jashtë rrethimit të institucionit është goditur me grusht nga një person dhe më pas është rrëzuar në tokë. Pas rënies koka i ka rënë në trotuar, ndërsa dy persona të tjerë kanë nisur ta godasin me shkelma dhe mjete të forta. Si pasojë e goditjeve ka pësuar dy fraktura, dëmtime te zona e ballit dhe pas koke dhe nga këto goditje. Gjithashtu ka pësuar dëmtime në pjesën e trurit dhe hemorragji.
Mëngjesi prej 6 ditësh po qëndron në koma në spitalin e Traumës, ndërsa në skanerin që iu bë ditën e sotme u vu re një zvogëlim i endemës në kokë, çka do të thotë se gjendja e tij po shkon drejt përmirësimit.
Discussion about this post