Mediat greke kanë publikuar fotografinë e 17-vjeçarit me emrin Fabio që humbi jetën pasi makina që drejtonte shoku i tij humbi kontrollin dhe u përfshi nga flakët. Drejtori i EPAL, Argostoli Makis Vasilatos ka folur për inkefalonia.gr për nxënësin e shkollës së tij, i cili në moshën 17-vjeçare u nda nga jeta. Ai e përshkruan si një të ri që kishte ëndrra dhe donte të mbaronte shkollën dhe të punonte.
“Ishte fëmijë i një familjeje punëtore që kishte ëndrra dhe donte të mbaronte shkollën dhe të punonte. Ai kishte ëndërr të shkonte jashtë vendit dhe të punonte. Ai kishte ëndrra si një fëmijë normal në këtë moshë. Jemi të gjithë të tronditur nga vdekja e tij e papritur.”
Pas shkollës, katër miq me origjinë greke dhe shqiptare hipën në makinën e njërit prej tyre dhe u nisën drejt aeroportit të ishullit, thjesht për një xhiro. Shoferi 18-vjeçar i cili sipas policisë rrugore është me leje drejtimi, humbi kontrollin e makinës për arsye të panjohura dhe përfundoi në trotuar ku mjeti u përmbys, ndërsa pak çaste më vonë shpërtheu në flake. 4 të rinjtë po përpiqeshin të dilnin ndërsa njëri prej tyre, 17-vjeçari Fabio, nuk mundi dot.
Discussion about this post