Policia ka vënë në pranga Kujtim Tafën 60-vjeç, i cili dyshohet se ka shkaktuar zjarrin ditën e djeshme në Divjakë. Si pasoje e flakëve janë djegur 100 hektarë tokë dhe ullishte, për shkak se të favorizuara nga era flakët vazhduan të jenë aktive për disa orë.
Ngjarja ka ndodhur në fshatin Biçukas, ku dyshohet se i arrestuari i vuri zjarrin tokës ë tij për të trembur karkalecat por më pas situata i ka dalë jashtë kontrollit për shkak të erës. Ky i fundit në vend gjë të lajmëronte policinë është larguar nga vendngjarja dhe ditën e sotme është bërë i mundur arrestimi i tij.
Në lidhje me këtë ngjarje ka reaguar dhe deputeti Erion Braçe, i cili ka raportuar se zjarrfikëse erdhën me vonesë dhe nuk kishin kapacitetin e mjaftueshëm për të vënë nën kontroll flakët, para se ato të përpinin qindra hektarë tokë.
Discussion about this post