SPAK i ka sekuestruar ditën e sotme pasurinë ish-gjyqtarit të Gjykatës së Lartë, Guxim Zenelaj. Mësohet se ish-gjyqtarit Guxim Zenelajt i është sekuestruar 1 dyqan dhe 3 apartamente në Ishull-Shëngjin. Po ashtu, SPAK i ka marrë edhe 1000 metra tokë në Porto Palermo, 1 dyqan dhe 3 apartamente me 2 garazhe në Ishull-Shëngjin.
Kujtojmë se gjyqtari Guxim Zenelaj dha dorëheqjen nga drejtësia verën e vitit 2017 sapo i përfundoi mandati në Gjykatën e Lartë duke iu shmangur vettingut. Magjistrati dha dorëheqjen nga karriera e tij në drejtësi më 26 maj të këtij viti, para se të përballej me Komisionin e Posaçëm të Kualifikimit. Në vitin 2016, ai deklaroi në deklaratën e pasurisë 18 apartamente dhe tre njësi ndërtimore në Ishull Shëngjin, Lezhë.
Po ashtu, gjyqtari referoi një kontratë me një kompani të caktuar, por nuk dha të dhëna se sa është vlera e kontratës si dhe për burimin e parave që mbulojnë vlerën e kontratës. Në të njëjtin vit, ai deklaroi 30 mijë euro të ardhura nga dhënia me qira e një lokali dhe ambienteve për banim në Shëngjin.
Discussion about this post