Pep Guardiola do të jetë në krye të Manchester City për ndeshjen e radhës ndaj Newcastle në Premier League të dielën, pasi rezultoi negativ në një test PCR për Covid-19.
Guardiola duhej të bënte një test PCR pasi një test i shpejtë tregoi një rezultat jo përfundimtar pas mbërritjes së tij në terrenin stërvitor të Cityt të premten.
Ish-trajneri i Barcelonës udhëtoi për në Katalonjë këtë javë për të marrë pjesë në konferencën për shtyp të tërheqjes të Sergio Agueros nga futbolli.
Një periudhë izolimi 10-ditore do ta përjashtonte atë nga ndeshja a në St James’ Park, si dhe nga ndeshja me Leicester City.
Manchester City ka fituar shtatë ndeshje të njëpasnjëshme në Premier League, duke mposhtur Leeds 7-0 në mesjavë dhe Guardiola i kërkoi skuadrës së tij të ruajë atë formën e mirë edhe kundër Newcastle.
Discussion about this post