Autoritetet greke vijojnë hetimet për identifikimin e dy autorëve që të maskuar ekzekutuan me 19 plumba, 39-vjeçarin Orhan Bajrami – Oki, në Sani Villas Hanioti të Greqisë.
Mediat raportojnë se policia ka dyshime se krimi është kryer nga vrasës me pagesë për llogari të personave të tjerë.
Mediat greke raportojnë se autorët dyshohet tashmë të kenë ikur jashtë vendit, me destinacione të mundshme Bullgari apo Turqi.
Sipas informacioneve të transmetuara nga ERT, 39-vjeçari, i cili merrej me kazino dhe tregti të pijeve alkoolike, gjatë ekzekutizmit kishte qenë ulur në oborrin e vilës me qira bashkë me 45 vjeçarin i cili mbet i plagosur si dhe me partneren e tij, si dhe një çift tjetër, të cilët nuk u lënduan.
Sipas të njëjtave informacione, autoritetet për vrasjen janë njoftuar nga fqinjët të cilët kanë dëgjuar të shtënat dhe kanë telefonuar policinë.
Mediat greke raportojnë se 39-vjeçari, i cili u vra me një pistoletë të kalibrit 32, ka qenë në dijeni se ishte nën kërcënim dhe kishte menduar strehim në Greqi, ndërsa ai kishte planifikuar të linte dhe vilën e marrë me qira, ndërsa nuk dihet se cili do të ishte destinacioni i ardhshëm.
Në ndërkohë, disa media në gjuhën maqedonase publikuan lajmin, në të cilin thuhet se vrasja e Orhan Bajramit është paralajmëruar ditë më parë në rrjetin social TikTok. Profili nga i cili është paralajmëruar likuidimi tani është i mbyllur.
Discussion about this post