Një atentat më armë është shënuar mbrëmjen e së dielës në rrugën dytësore Tiranë – Durrës pranë mbikalimit të Rinasit, ku viktimë ka mbetur 37-vjeçari Iliaz Çali.
Iljaz Çali personi që shikoni në foto, është ekzekutuar me breshëri plumbash teksa ishte duke drejtuar automjetin në pronësi të shtetasit me iniciale H.Xh nga Fushë –Kruja. Nga verifikimet e grupit hetimor raportohet se makina ishte marrë me qira Çali.
37-vjeçari nuk është një emër i panjohur për policinë pasi është arrestuar në vitin 2016, pak ditë pas grabitjes së parave në Aeroportin e Rinasit.
Policia kontrolloi në atë periudhë dhjetëra banesa të personave të dyshuar për grabitjen dhe gjatë atyre kontrolleve gjeti në shtëpinë e Çalit 682 rrënjë kanabisi.
Në atë operacion, iu vunë prangat menjëherë së ëmës së tij Xhemile Çalit, kurse i biri që nuk u gjet në shtëpi, u shpall në kërkim dhe u arrestua kohë më vonë.
Discussion about this post