Personi që shihni në foto është 26- vjeçari Armando Dumani i cili u ekzekutua me breshëri automatiku në Astir mbrëmjen e djeshme. Dumani ka qenë pasagjer në mjetin luksoz tip “Audi” , ndërsa komshiu i tij Erigers Mihasi ishte në timon.
Nuk dihet ende se kush nga dy viktimat ka qenë objektiv i atentatit, megjithatë përfshirja e të dyve në veprimtari kriminale, ngre dyshime se ekzekutimi ka qenë i stisur për të dy.
Mihasi dhe Dumkani kanë qenë të paarmatosur dhe pas kontrollit e mjetit të tyre në vendngjarje gjithashtu nuk është gjetur armë.
Sakaq, nuk përjashtohet mundësia se në atentat të jenë përfshirë edhe persona të tjerë në rolin e informatorëve, përveç atyre që kanë bashkëpunuar për t’i larguar nga vendi i ngjarjes, djegur mjetin në Thumanë dhe arratisur në drejtim të paditur.
Discussion about this post