Përfaqësuesi i Shqipërisë për Xhudo në Lojërat Olimpike, Indrit Çullhaj ka treguar se është ndeshur me brinjë të krisur.
Në një postim në ‘Instagramin’ e tij kampioni shqiptar i xhudos shprehet se sado që u mundua të duronte në 10 sekondat e fundit dhimbjet e mëdha e detyruan të dorëzohej.
“Gjatë ndeshjes kisha krisur brinjën dëshira për të fituar ishte e madhe, isha luftarak e fitimtar deri në fund. Në 10 sekondshin e fundit ajo më lëshon dhe nga dhimbjet e mëdha unë bie në tokë dhe s’munda të vazhdoja dot ëndrrën Olimpike Tokyo 2020. Por humba si luftëtar dhe sot jam më mirë se dje dhe do jem akoma më strong (i fortë) në çdo hap të suksesit tim të radhës. Ju dua shqiptarë kudo që jeni. Faleminderit shumë për mbështetjen që më dhuroni anembanë botës.”-shkruan Çullhaj.
Kampioni shqiptar është eliminuar që në raundin e parë në duelin e zhvilluar në kategorinë 66 kilogramë, ku u mund nga rivali nga Kosta Rika, Sanço Çinçilla./Gijotina.com
