Atletico i Madridit nuk e ka pritur aspak mirë eliminimin nga Kupa e Mbretit.
Të gjithë lojtarët e Atletikos, si dhe trajneri, Diego Simeone, kanë shënjestruar gjyqtarin e takimit, Soto Grado, për vendimet e tij.
Duke folur pas ndeshjes, Simeone ka thënë: “E vetmja gjë për të cilën jam i kënaqur është paraqitja e bërë nga skuadra ime. Sa për gjyqtarin kam shumë rezerva. Vendimet që duhej të ishin në favorin tonë, na u dhanë kundër dhe ato natyrisht që ndikojnë në mbarëvajtjen e ndeshjes. Sebajos ishte për të kuq dhe kaloi sikur të mos kishte ndodhur gjë.
Nga ana jonë, gjyqtari nuk ngurron të nxjerrë dy kartonë në 2 minuta. I kam kërkuar llogari për shumë vendime, e kam pyetur nëse kishte ndonjë problem personal me Moratën, sepse nuk i dha asnjë faull. Gjithsesi, unë jam krenar për ekipin tim. Deri në fund kemi luajtur për ta fituar derbin”.
Discussion about this post