Drejtori i Përgjithshëm i Policisë së Shtetit, Muhamet Rrumbullaku ka folur për herë të parë pas emërimit në këtë post, në ceremoninë e sotme të prezantimit.
Rrumbullaku deklaroi se karriera e gjatë do ta ndihmojë në realizim e detyrës, ndërsa deklaroi edhe objektivat e tij në krye të Policisë.
“Betohem të mbaj me nder flamurin e policisë së shtetit. Dinamika e ndryshimeve dhe e shoqërisë kërkon mbrojtje të qytetarëve. Përgjegjësia shtohet kur flitet për sigurinë dhe të drejtat e njeriut. Shpresoj që karriera ime e gjatë në shumë vite në polici, të më shërbejë për të dhënë kontributin tim. Policia ka nevojë për një formë të re, që e sjell gjenerata e shtetit. Jam i bindur se sot policia mbart të gjitha kapacitetet e nevojshme. Mjafton që këto të ruhen, promovohen në karrierë. Për çdo punonjës policie, duhet të jetë komod në organizatë, për këtë do të zhbëj ndasitë. Do ketë mbikëqyrje të shumëfishtë, disiplinë. Të inkriminuarit që bien pre e aferave, që e shohin punën. Jam i vendosur për të luftuar pa kompromis fenomenet e paligjshme. Uniforma e çdo punonjësi policie nuk është një veshje por një simbol në luftën me krimin. Objektivat e mia do jenë: Reformë e re ligjore, rialokim, riorganizim dhe analizë e thelluar në të gjitha nivelet e organizatës”, tha Rrumbullaku.
Discussion about this post