Një deputet i Partisë Demokratike Popullore (HDP) në Turqi është arrestuar nga autoritetet turke, pasi akuzohet për terrorizëm. Deputetes Semra Guzel, iu hoq imuniteti në mars pasi mediat turke publikuan foto të vjetra të saj me një person të armatosur të Partisë së Punëtorëve të Kurdistanit (PKK).
Ndaj saj është lëshuar një urdhër arresti me akuzën e pjesëmarrjes në një organizatë terroriste. Guzel u arrestua të premten në Stamboll, ndërsa një gjykatë ka dhënë dje vendim për masën e sigurisë me burg deri në gjykim. Partia e ka konsideruar masën e sigurisë të marrë ndaj deputetes, si të paligjshme e të pamoralshme.
Discussion about this post