Një shofer në Zvicër rrezikon të gjobitet deri në 10 mijë franga zvicerane, pasi u fut në tunelin “Gotthart” në një periudhë ku nuk lejohej qarkullimi i automjeteve brenda tij.
Sipas policisë, drejtuesi i mjetit është një 25-vjeçar, i cili injoroi të gjitha dritat e kuqe të cilat e detyronin atë të ndalte manovrën me mjetin.
Krahas gjobës për këtë shkelje të rëndë të sinjalistikës rrugore, ndaj drejtuesit të mjetit pritet të ngrihen dhe të tjera akuza.
