Mbrëmjen e së mërkurës në fushën e blertë të “Santiago Bernabeut”, teksa luhej gjysmëfinalja e Champions-it, mes Realit dhe Sitit, një tifoz turk i cili mbante në duar flamurin shqiptar u fut duke tërhequr vëmendjen e mbarë botës. Gokhan, pasi bëri një xhiro të shkurtër në tapetin e blertë, shkoi për të përqafuar Karim Benzemanë.
Tifozi mbante në shpinë edhe “Gimi Event”, që i përket miqve të tij të ngushtë, shqiptarë. Ndërkohë në një prononcim të dhënë së fundmi për mediat, turku që shpalosi para syve të miliona njerëzve në mbarë botës flamurin shqiptar, ka folur në lidhje me këtë episode special.
“Çdo gjë ka qenë e planifikuar. Ëndrra ime u plotësua kur e përqafova yllin e Real Madridit, Karim Benzeman. Shokët e mi që organizuan çdo gjë janë shqiptar nga Tirana dhe Vushtrria. Thjesht ne donim t’i tregonim botës së kush është flamuri më i bukur në botë” – u shpreh 29-vjeçari.
Discussion about this post