U futën në fushë për të dhunuar arbitrin pas Tirana-Bylis, shoqërohen në polici tifozët

Disa tifozë janë shoqëruar nga policia pasi janë futur në fushë pas ndeshjes Bylisi-Tirana dhe kanë tentuar të dhunojnë arbitrin Kridens Meta.

Policia bën me dije se ndaj tyre po kryhen veprimet e mëtejshme procedurale ndërkohë që grupi hetimor po punon për të sqaruar rrethanat e plota të kësaj ngjarje.

“Më datë 25.05.2023, në përfundim të ndeshjes Bylisi-Tirana, në Rrogozhinë, disa tifozë të Tiranës kanë hyrë në fushë dhe kanë tentuar të dhunojnë gjyqtarët e ndeshjes. Shërbimet e Policisë kanë reaguar menjëherë duke shoqëruar këta shtetas, për të cilët po kryhen veprimet e mëtejshme procedurale.

Grupi hetimor po punon për sqarimin e rrethanave të ngjarjes”, njofton policia.