U gëzua për golin, trajnerit i bie infarkt dhe humb jetën në fushë

Një ngjarje tragjike ka ndodhur në Egjipt, ku trajneri i Al Magd, Adam El Selhedar “u nda nga jeta” pas një ataku në zemër.

Kjo ndodhi është regjistruar pasi ai nuk ka mundur të duronte intensitetin e golit të skuadrës së tij në minutën e 92-të të ndeshjes kundër Al Zarqa, raporton ‘gazzeta.gr’.

Ky takim ishte i vlefshëm për divizionin e dytë të kampionatit egjiptian dhe Adam El Selhedar nuk e duroi dot emocionin e fitores.

Ishte minuta e 92-ë kur skuadra e tij shënoi për të marrë fitoren ndaj Al Zarkës me 1-0, ndërsa pak sekonda pas festimeve të furishme ai u rrëzua nga një atak në zemër./K.T/Gijotina.com