U gjend i vdekur në rezervuar/ 26-vjeçari Martin Çeço dyshohet se është vrarë, shenja dhune në trup

Zbardhen detaje të reja nga vdekja e 26- vjeçarit Martin Çeço në Maliq. Çeço rezultonte i zhdukur që nga 15 qershori dhe sot është gjetur i pajetë në rezervuarin e Kolanecit. Ishte babai i të riut ai që dha alarmin për zhdukjen e të birit. N. Ç., 67 vjeç, banues në fshatin Kolanec, Maliq tha se i biri është larguar nga shtëpia që nga mbrëmja e 15 qershorit.

Grupi hetimor ndodhet në rezervuarin e Kolanecit dhe ka rrethuar zonën. Pritet që trupi i pajetë t’i nënshtrohet autopsisë në mënyrë që të zbardhet shkaku i vdekjes. Paraprakisht dyshohet që Çeço të jetë vrarë, pasi në trupin e tij janë konstatuar shenja dhune.

“Më datë 15.06.2022, në Komisariatin e Policisë Maliq, ka bërë kallëzim shtetasi N. Ç., 67 vjeç, banues në fshatin Kolanec, Maliq, i cili ka deklaruar se i është larguar nga banesa djali i tij, shtetasi M. Ç., 26 vjeç. Nga ana e Policisë po punohet për gjetjen e tij”, njofton policia.

Materialet i kaluan Prokurorive të Rretheve Gjyqësore Korçë dhe Pogradec, për veprime të mëtejshme.