U gjet e mbytur në liqenin e Fierzës një ditë më parë, identifikohet viktima

Identifikohet trupi i pajetë i gjetur dje në liqenin e Kukësit.

Burimet zyrtare nga policia lokale thanë se, bëhet fjalë për 30-vjeçare me inicialet Elda Arapi, nga Korça.

Ende nuk dihen detaje të reja në lidhje me këtë ngjarje, apo se si trupi i pajetë i të resë nga Korça është gjetur në liqenin e Kukësit.

Njoftimi

Në vijim të informacionit të dhënë ditën e djeshme, për një shtetase që u konstatua e pajetë në vendin e quajtur “Shtrazë”, në bregun e liqenit të Fierzës, ju informojmë se u bë i mundur identifikimi i shtetases E. A., 30 vjeçe, banuese në Pojan, Korçë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës.