Një lajm i tmerrshëm ka mbërritur nga provinca e Parmës: sot në mëngjes një djalë 13-vjeçar u gjet i vdekur në shtrat nga motra e tij. Tragjedia ndodhi rreth orës 06:00 të mëngjesit në Traversetolo, ndërsa 13-vjeçari ishte në klasën e tetë.
I mituri nuk kishte shenja dhune në trup dhe vdekja natyrore nuk përjashtohet. Në vendngjarje ndërhynë ambulanca, si dhe ekipet e emegjencës, por edhe karabinierët, të thirrur nga prindërit.
Kryebashkiaku i Traversetolo Simone Dall’Orto shprehu dhimbjen e tij lidhur me ngjarjen e rëndë.
“Komuniteti është në gjendje shoku, ngushëllimet e mia të përzemërta familjes”, raporton Tg Parma.
Referuar mediave italiane, djali ishte në gjendje të mirë shëndetësore dhe nuk ishte ankuar kurrë për ndonjë siklet. Tashmë, do të jetë autopsia që do të hedhë dritë mbi këtë tragjedi.
13-vjeçari ishte djali i dytë i një familjeje me origjinë shqiptare, i cili ishte integruar në mënyrë të përkryer në fshat. Nëna e tij është shtëpiake, babai i tij është punëtor fabrike, ndërsa motra është 17 vjeçe.
Discussion about this post