Personi që shihni në foto është 42-vjeçari Juljan Prifti, i cili u gjet i pajetë pasditen e sotme në një godinë të braktisur në Fier.
Prifti ishte deklaruar i humbur që në datë 26 mars, ndërsa mësohet se kanë qenë banorët e zonët të cilët kanë ndier erën e keqe që vinte nga trupi i dekompozuar dhe kanë njoftuar policinë.
Dyshohet se viktima ka varur veten pasi ka qenë të depresion për shkak të kushteve shumë të vështira ekonomike, ishte në varfëri ekstreme dhe borxhe. Pranë trupit është gjetur edhe karta e identitetit të viktimës.
Në vendin e ngjarjes janë gjendur tulla njëra mbi tjetrën, një pjesë e të cilave rrëzuar. Që këtu dalin edhe dyshimet se Julian Prifti mund të jetë vetvarur, pasi kishte dhe një litar në grykë. Po sipas vëzhgimeve paraprake mbi kufomë janë gjetur gjurmë rreth fushës.
Sipas policisë rasti është konstatuar rreth orës 16:50, në lagjen “16 Prilli”.
Nuk dihet ende nëse viktima jetonte vetëm apo më familjarë. Pritet të zbardhen detaje pas marrjes në pyetje të të afërmve. Grupi hetimor po vijon punën për zbardhjen e rrethanave të ngjarjes.
Discussion about this post