Zbulohet identiteti i 34-vjeçarit që u gjet i pajetë në Fushë-Krujë mëngjesin e sotëm. Sipas policisë, bëhet fjalë për Indrit Ndojin. Trupi i të riut u konstatua në një rrugë dytësore dhe dyshohet se është vrarë me armë zjarri pasi kishte plagë në këmbë. Policia ka dhënë detajet përkatëse në lidhje me ngjarjen.
Njoftimi i Plotë:
Fushë Krujë/Informacion paraprak
Rreth orës 08:20, në lagjen “Bakishe Visha”, Fushë Krujë, në një rrugë dytësore është gjetur i pajetë shtetasi I. N., 34 vjeç, banues ne fshatin Hasan, Krujë.
Nga këqyrja paraprake, është konstatuar se 34-vjeçari ka një dëmtim në këmbë që dyshohet të jetë shkaktuar nga armë zjarri.
Në vendin e ngjarjes ndodhet grupi hetimor dhe nën drejtimin e Prokurorisë pranë Gjykatës së Rrethit Gjyqësor Krujë vijon puna për sqarimin e rrethanave të ngjarjes.
Discussion about this post