Është ende i paidentifikuar viktima që u gjet në mes të rrugës në një nga lagjet e njohura të Elbasanit. Mesohet se nga këqyrja paraprake, ka rezultuar se viktima rreth 50 vjeç ka një goditje në kokë. Po kështu ka damarët e të dyja duarve të prera dhe gjunjët me dërrmishtje.
Në vendin e ngjarjes nuk janë gjetur njolla gjaku çka dyshohet se është hedhur në rrugën ku u gjet. Në vend nuk është gjetur as ndonjë thikë që mund të sillte dyshime se viktima i ka prerë vetë damarët.
Ai u gjet me duar të ngritura, jo të pozicionuara pas trupit, duke ngritur dyshime se 70-vjeçari mund të jetë vrarë diku tjetër dhe më pas trupi është transportuar për në vendin ku u gjet. Ai nuk ka pasur me kete mjet identifikimi, ç’ka e ka bërë më të vështirë zbardhjen e emrit të tij. Policia po vijon hetimet për ngjarjen.
