Gjykata Administrative ka lënë në fuqi gjobën prej 5 milionë lekësh të reja ndaj kandidatit për deputet Elton Debreshi. Debreshi u gjobit pasi organizoi tubime të paligjshme gjatë fushatës zgjedhore duke shkelur rregullat anti-Covid që ishin vënë në fuqi nga Komiteti i Ekspertëve.
Elton Debreshi, kandidoi në zgjedhjet e 25 prillit si kandidat i pavarur në qarkun e Dibrës, por nuk arriti të siguronte asnjë karrige në Kuvend. Në atë kohë, Debreshi u shpreh se vendimi për gjobitje nuk është i drejtë, pasi ai kishte mbledhur pak persona, ndërsa mori shembull kryeministrin Edi Rama dhe kreun e PD, Lulzim Basha që kishin më shumë persona në mitingjet e tyre.
“Më gjobitën se ishim mbledhur pak, siç u mblodh Edi Rama, dhe Basha në fushatë. Ata kërkuan ndjesë dhe unë kërkova, por unë u gjobita. I kërkoj Gjykatës Administrative të Shkallës së Parë t’i shikoj gjërat siç janë dhe të marrë një vendim serioz,” është shprehur ndër të tjera Debreshi.
Më herët ai ngriti padi në Gjykatën Administrative të Shkallës së Parë, për gjobën 50 milion lekë që i vendosi Policia, me pretendimin se ka shkelur masat anti-Covid për mitingjet.
Ai u shpreh se vendimi për gjobitje nuk është i drejtë, pasi ai kishte pak persona të mbledhur, e teksa mori shembull kryeministrin Edi Rama dhe kreun e PD, Lulzim Basha që kishin më shumë në mitingjet e tyre.
