Hyrja ne shtëpinë e “Big Brother VIP”, të ish-konkurrentes së “Për’puthen”, Antonela Berisha, është përfolur shumë jo vetëm nga publiku, por edhe nga banorët.
Shumë njerëz mendojnë që ajo nuk i përmbush kriteret për t’u cilësuar si një ‘VIP’, madje këtë mendim ndajnë edhe konkurrentët e shtëpisë.
Po çfarë mendon Balina Bodinaku, opinionistja e formatit, për Antonelën? A është ajo ‘VIP’ sipas saj?
E ftuar te “Goca dhe Gra” ajo shprehu opinionin e saj, ku tha se ajo nuk e mat suksesin e njerëzve me “followers”-a, pasi kjo është ofenduese për banorët që e kanë artikuluar fort këtë gjë.
Sipas saj, suksesin nuk matet me “follower”-sa.
“Unë dua ta them që nuk e masë suksesin e njerëzve me ‘followers’-a. Kjo është ofenduese dhe ta themi dhe për banorët aty që e kanë artikuluar aq fort këtë. Për vetë personin që ti i referohesh si ‘VIP’ duke i vënë në dukje se ti je ‘VIP’, sepse ke 300 mijë ‘followers’, është ofenduese, sepse unë si Balina do doja të kisha një kontribut që shkon përtej asaj dhe do doja të vlerësohesha për atë kontribut në radhë të parë dhe në qoftë se njerëzit më vlerësojnë e më ndjekin për atë, atëherë faleminderit, por nuk e masë suksesin me ‘followers’-a. Kemi kaq shumë, madje janë më të shumtë personat të cilët janë të suksesshëm në jetën profesionale ose personale , sepse mund të jesh dhe një mama e suksesshme, të kesh prindëruar shumë bukur dhe ti je shumë e lumtur sepse ky është qëllimi i jetës tënde. Duke përdorur fjalën ‘VIP’ ne imponojmë një model e nga ana tjetër në një format si ‘Big Brother’, që ka një target grup shumë të gjerë e mbërrin shumë gjerë në publik në të gjitha drejtimet, mendoj se ka vend edhe për persona si Antonela. Gjithashtu është një format ku njerëzit gjykojnë edhe aty do kuptohet se cilat janë modelet që vlerësohen apo nuk vlerësohen. Unë mendoj se filtrat janë vendosur dhe njerëzit po ndërgjegjësohen e nëse këta lloj do arrijnë të mbijetojnë koha do ta tregojë.”- tha Balina.
Rikujtojmë se për këtë çështje ka reaguar dhe motra e Antonelës, e cila i doli në mbrojtje, me një status në Instastory. Nëpërmjet reagimit të saj, ajo e cilëson qesharake vënien në pikëpyetje nëse meritojnë të quhen ‘VIP’ të gjithë personazhet brenda shtëpisë më të famshme në Shqipëri.
Discussion about this post