Nënkryetari i PD, Luçiano Boçi ka treguar se si është gjendja shëndetësore e kryetarit të PD, Sali Berisha pas sulmit që iu bë gjatë protestës.
Për emisionin “Opinion”, Boçi tha se Berisha gëzon shëndet të mirë, ndërsa thekson se pavarësisht goditjes ai tregoi kurajo duke vijuar protestën kundër qeverisë.
“Gëzon shëndet të plotë dhe me kurajo dhe e ka treguar këtë gjë dhe e tregoi gjatë konferencë për atentatin ndaj tij. Nga vëzhgimet e mia ishte një çarje pishtë syrit dhe një çarje në hundë. Vet Berisha në karakterin tij që merr pozicione të nënshtrimit dhe e ka treguar forcën fizike dhe mentale, pavarësisht se u adresua në atë atentat. Në konceptin si u ndërtua krimi tregon qartazi që jemi para një krimi politik të organizuar ndaj opozitë. ai është i shtyrë nga një palë e tretë”, tha Boçi.
Discussion about this post