Një 40-vjeçare shqiptare është vrarë në Menidi të Greqisë. Viktima u gjet në kryqëzimin e rrugëve Parnithos dhe Aristotelous. Sipas informacioneve të para, pranë trupit të pajetë të gruas janë gjetur një thikë, gjurmë gjaku dhe një çantë.
Mediat greke bëjnë me dije se, viktima kishte denoncuar më herët në Polici një rast të dhunës në familje.
Detektivët e vrasjeve kanë përjashtuar menjëherë mundësinë e një grabitjeje, pasi në vendin e krimit i janë gjetur çanta, celulari dhe portofoli i saj.
Në vendngjarje ka qenë një dëshmitar kyç i rastit i cili pretendon se e ka parë gruan kur ajo u godit me thikë në mes të rrugës.
Policia pritet të marrë deklaratë nga dëshmitari për të mbledhur më shumë informata për rastin.
Discussion about this post