U godit nga makineria në fabrikë, humb jetën 26-vjeçarja shqiptare (Emri)

Një 26-vjeçare shqiptare, e identifikuar si Anila Grishaj ka humbur jetën si pasojë e një aksidenti në punë, njoftojnë mediat italiane.

26-vjeçarja punonte në një kompani të ushqimeve të ngrira, kur u godit në kokë nga një makineri.

Aksidenti ndodhi brenda kompanisë Bocon, në Via Montello në Pieve di Soligo, në zonën e Trevizos. e specializuar në prodhimin e ushqimeve të ngrira.

Në vendin e ngjarjes kanë mbërritur ekipet e shpëtimit, ambulanca, por edhe zjarrfikësit, si dhe karabinierët.

Sipas raportimeve, një makinë paketimi e blerë së fundmi, ku punonte e reja, e goditi duke i shtypur rruazat e qafës, aksident që i kushtoi jetën.