U grabit mbrëmë në Lushnje, gjendet në Vlorë “Benzi” i Martino Peqinit

Një automjet tip “Mercedez Benz” është gjetur i braktisur në Vlorë. Policia ka dyshime të forta që makina e gjetur në Vlorë i përket rastit të ndodhur në Lushnje, ku në afërsi të zonës së quajtur “Pushimi i Shoferit” u grabit një automjet në pronësi të Martino Peqinit.

Makina raportohet se është gjetur në afërsi të lagjes 10 Korriku në qytetin e Vlorës. Policia ka nisur verifikimet, për makinën e gjetur nëse bëhet fjalë për të njëjtën makinë që u grabit në Lushnje.