Mbrëmjen e djeshme, disa persona hynë me dhunë në një supermarket, duke dhunuar dhe kërcënuar me kallashnikov pronarin e biznesnit. Agim Spahiu dhe djali i tij ka rënë pre e dhunës dhe më pas i është grabitur me forcë shuma ditore e xhiros.
Në momentin e përleshjes djali pronarit ka çarë dorën pas thyerjes së xhamit të derës, për pasojë ka marrë mjekim në spitalin e Peqinit. Një ditë më pas familja e biznesit e cila ra pre e grabitjes shprehen të tronditur për ngjarjen për ‘Faxnews’.
“Ishte rreth orës 23 të mbrëmjes kur dy persona të maskuar me armë mësyn në supermarket. Nuk i njohëm. Morën paratë e xhiros ditore rreth 600-700 mijë leke të vjetra që ndodheshin në sirtar. Ndërhyri djali që ndodhej me mua. Në atë moment nga përleshja ra xhami i derës dhe ai u lëndua në dorë. Në atë moment dy personat u larguan menjëherë. Djali ishte në spital. Bemë denoncimin, por sot jemi të tronditur . Nuk e kemi hapur biznesin sa të marrim veten”.
