Theo Hernandez është grumbulluar për herë të parë me Kombëtaren e Francës, pasi kishte shumë vite që e priste këtë gjë.
Duket se grumbullimi i lojtarit të Milan u bë vetëm pas dëmtimit të të vëllait Lukas Herandez.
Në një konferencë të dhënë për mediat, Theo bëri shaka duke u shprehur se do t’i zërë vendin vëllait në të ardhmen:
“Shpeshherë ne qeshim për faktin se do t’i vjedh vendin. Këto janë shaka brenda familjes.
Secili ka cilësitë e veta, unë mund të jem më i shpejtë, por gjithçka varet nga zgjedhjet e trajneri. Ai është vëllai im, e dua shumë. Do të dëshiroja të ishte këtu dhe shpresoj të luajmë bashkë herën tjetër’’, -tha mbrojtësi i Milan./Gijotina.com
