Rreth 600 banorë mbeten të helmuar në Krujë për shkak të ujit, por askush nuk ka mbajtur përgjegjësi për këtë, madje të gjitha institucionet në kompetenca nuk kanë bërë asnjë reagim. Pak muaj më parë në inaugurimin e këtij ujësjellësi qeveria u mburr, por pse e fshehu faktin që dha 315 milionë euro dy kompanive që gjithmonë kanë qenë problematike në lidhje me prokurimet publike dhe kanë fituar tendera me shifra marramendëse.
Konkretisht, bëhet fjalë për Bami SHPK & CURRI SHPK, të cilat u shpallën fituese edhe pse kanë ofruar për ujësjellësin e Krujës, një vlerë shumë të afërt me fondin limit. Dy kompanitë kanë fituar të bashkuara tenderin me objekt “Shtim i sasisë së furnizimit me ujë te Qytetit të Krujës” me ofertë mbi 313 milionë lekë, nga 315 milionë lekë që është fondi limit. Pra, për të favorizuar kompanitë oligarkë, qeveria shpenzon pa problem 315 milionë lekë për një ujësjellës që helmoi krutanët.
Ky tender është vetëm një copë e kekut me skandale ku janë të përfshirë dy kompanitë, pasi përfitimet e tyre nga tenderët në shkelje të ligjit kapin shifra tepër të larta.
Aferat e “CURRI SHPK” dhe “BAMI SHPK”
Pronari i kopanisë “CURRI SHPK”, Faik Curri, me parë ankohej kundër qeverisë, duke thënë se e përjashtonin pa të drejtë nga gratë për tenderët, por që nga ai moment Curri filloi të fitonte tender me shifra rekord dhe shpesh si garues i vetëm. Me datë 18 mars CURRI SHPK është shpallur fituese e një tenderi me vlerë 7.7 miliardë lekë nga kryebashkiaku i Pogradecit për tenderin me objekt “Ndërtimi i ujësjellësit rajonal Çërravë dhe Dardhas-Burimet e Gurrasit”. Curri ka qenë i vetëm pjesëmarrës në garë dhe është shpallur fitues me një vlerë të vetëm 870 mijë lekë më pak se Fondi Limit. Sakaq, bëhet me dije se kjo kompani në rang lokal ka përfituar 19 miliardë lekë për 14 tendera nga disa bashki.
Nga ana tjetër edhe kompania “BAMI SHPK” jo pak herë ka fituar tendera pa garë, duke u favorizuar kështu në projekte miliona euroshe. Në 2019 kjo kompani në bashkëpunim “Global Technical Mechanichs” sh.p.k. janë shpallur fituese të tenderit për aeroporti i Kukësit. Sipas të dhënave të publikuar asaj kohe nga vetë Ministria e Infrastrukturës, shoqëria e krijuar nga bashkimi i këtyre dy kompanive ka qenë pjesëmarrësja e vetme në garë. “Bami” shpk rezulton e regjistruar në vitin 1999 dhe ka si aksionarë të vetëm Besnik Bamin dhe Investimi është parashikuar që të jetë rreth 8 milionë euro.
E.H/ gijotina.com/
