U është dhënë lamtumira e fundit tre viktimave që u vranë ditën e djeshme në Fushë Krujë teksa udhëtonin me makinën e tyre.
Kjo është një foto kur tri viktimat e atentatit në Fushë Krujë, Brilant Martinaj, Dikler Vata dhe Besmir Hoxha janë fotografuar së bashku. Mësohet se ata ishin miq me njëri-tjetrin, ndërsa prania në një makinë ditën e dielë ka qenë tragjike për ta.
Tre të rinjtë u ekzekutuan ditën e djeshme me breshëri plumbash dhe autorët nuk u lanë asnjë mundësi shpëtimi, ndërsa pas të shtënave automjeti i të rinjve u përfshi nga flakët. Policia dyshon se në atentat morën pjesë 4 persona.
Një viktimave, Diklen Vata, 30 vjeç mundi të dalë nga automjeti me shenja jetë dhe i plagosur pasi ishte pasagjer, por autorët e kanë qëlluar sërish për ta ekzekutuar. Ndërsa Brilant Martinaj dhe Besmir Hoxha mbetën të vrarë në automjet dhe më pas e dogjën.
Pak momente pas atentatit u gjet i shkrumbuar një automjet në fshatin Larushk disa kilometra nga Fushë Kruja ku në brendësi u gjetën edhe 3 kallashnikovë. Automjeti tip Passat i autorëve u shkrumbua plotësisht duke mos u lënë mundësi hetuesve për të gjetur prova të shumta.
Discussion about this post