Policia ka arrestuar një 43-vjeçar pasi u kap duke transportuar mbi 23 kg drogë me makinë.
Libiran Çollaku u kap në vendin e quajtur “Ura e Stafukës”, fshati Larushk dhe dyshohet se do e transportonte drogën drejt Kosovës.
Sasia prej 23 kg e 65 gramë kanabis u gjet në bagazhin e automjetit tip “Skoda” që drejtohej nga 43-vjeçari.
Lënda narkotike e ndarë në pako dhe automjeti u sekuestruan në cilësinë e provës materiale.
“Komisariati i Policisë Krujë, në bashkëpunim me Seksionin për Hetimin e Narkotikëve të DVP Tiranë, në vijim të veprimeve për goditjen e veprimtarive kriminale në fushën e narkotikëve, bazuar në informacione të siguruara në rrugë operative, organizoi dhe finalizoi operacionin policor të koduar “Transporter”.Si rezultat i të cilit, vunë në pranga shtetasin kosovar L. Ç., 43 vjeç, banues në Kosovë”, njoftoi policia.
“Gjatë operacionit, në vendin e quajtur “Ura e Stafukës”, fshati Larushk, shërbimet e Policisë ndaluan automjetin tip “Skoda” që drejtohej nga 43-vjeçari, në brendësi të të cilit, gjatë kontrollit, u gjetën dhe u sekuestruan disa pako me 23 kg e 65 gramë lëndë të dyshuar narkotike Cannabis Sativa, që dyshohet se do të trafikohej në drejtim të Kosovës. Lënda narkotike dhe automjeti u sekuestruan në cilësinë e provës materiale. Vijojnë hetimet për dokumentimin e plotë të kësaj veprimtarie kriminale dhe identifikimin e personave të tjerë të implikuar. Materialet procedurale i kaluan Prokurorisë, për veprime të mëtejshme”, thuhet më tej në njoftim.
Discussion about this post