Rreth një muaj më parë, portalet dhe mediat zbuluan se Missi shqiptar, Cindy Marina, ishte në një lidhje romantike me djalin e Jozefina Topallit, Genar Topalli.
Por kohët e fundit, biondja seksi është fotografuar me ish të dashurin e Eva Muratit, në një nga restorantet e Vlorës.
Cindy Marina, nuk ka dhënë asnjë koment, jo vetëm për fotot e publikuara por edhe për lidhjen e saj me Genar Topallit.
“Unë vetë kurrë nuk kam folur për jetën time, edhe në Instagram s’kam postuar asgjë. Kam vendosur që s’do flas derisa ta ndjej vetë. Lajmet mund të dalin, unë nuk po vërtetoj gjë, as nuk e mohoj dhe as nuk e pohoj. Derisa të postoj diçka, ju do e dini nga unë”, tha ajo.
Cindy Marina, e cila do jetë prezantuesja e Serie A në Shqipëri e Kosovë, tha se ekziston paragjykimi që vajzat nuk marrin vesh nga sporti, por ky nuk është rasti i saj.
Miss-i theksoi se është rritur me sportin dhe ka qenë pjesë e rëndësishme e zhvillimit të saj si individ.
“Ekziston paragjykimi se vajzat nuk marrin vesh nga sporti, por tek unë nuk është rasti. Unë jam rritur me sportin dhe mund të them që jam marre me çdo lloj sporti kur isha e vogël, kam bërë not, kam luajtur futboll, basketboll derisa përfundova tek volejbolli. E kam ndjek sportin gjatë gjithë jetës sime, ka qenë pjesë e rëndësishme e zhvillimit tonë si njeri. E dua sportin”, – u shpreh Cindy Marina.
Edhe pse ka lindur dhe jetuar në Amerikë ajo e flet mjaft mirë gjuhën shqipe dhe këtë ia atribuon prindërve të saj.
