Gjykata e Posaçme e Apelit ka lënë në masën “arrest me burg” Klajdi Zhillën, një nga zyrtarët e IMT-së të akuzuar për çështjen e aferës korruptive në Kombinat disa jaë më parë.
I dyshuari kishte bërë ankimim në shkallën e dytë, por ditën e sotme kërkesa u rrëzua dhe u la në fuqi vendimi i shkallës së parë të GJKKO-së.
Ai akuzohet për veprat penale “Korrupsioni aktiv i personave që ushtrojnë funksione publike” dhe “Shpërdorimi i detyrës”, të kryera në bashkëpunim.
Zhilla dyshohet se i ka kërkuar ryshfet 1 mijë euro një biznesmeni në zonën e Kombinatit, me qëllim moskryerjen e veprimeve ligjore për tendën e lokalit që kishte zbatuar hapësirën publike. Për këtë çështje janë të akuzuar dhe disa persona të tjerë.
Zhilla u vetëdorëzua në polici më 30 gusht. Punonjësi i IMT së Tiranës ishte shpallur në kërkim gjatë një operacioni të SPAK dhe Policisë, pasi mori ryshfet për të mos hequr tendën e një lokali.
Pas hekurave përfunduan edhe Gerald Fuçia dhe Edmond Çela, ndërsa u shpall në kërkim Klajdi Zhilla, si dhe një tjetër.
Discussion about this post