U kap me 12 mijë euro të padeklaruara në Portin e Durrësit, procedohet 21-vjeçari

Policia ka nisur procedimin penal në gjendje të lirë për një 21-vjeçar, banues në Fier.

Gjatë kontrollit fizik dhe kontrollit në automjetin që drejtonte, u gjetën dhe u sekuestruan me cilësinë e provës materiale, 12 155 euro dhe disa shishe me verë.

Sipas njoftimit të policisë parat ishin të padeklaruara në organet kompetente. Polici po heton më shumë mbi rastin.

Njoftimi i policisë:

Specialistët për Hetimin e Krimeve të DVKM Durrës referuan materialet në Prokurori, ku nisi procedimi në gjendje të lirë për shtetasin O. D., 21 vjeç, banues në Fier, pasi në PKK Port Durrës, në hyrje të RSh-së, gjatë kontrollit fizik dhe kontrollit në automjetin që drejtonte, u gjetën dhe u sekuestruan me cilësinë e provës materiale, 12 155 euro dhe disa shishe me verë, të padeklaruara në organet kompetente. Materialet procedurale ndaj 21-vjeçarit iu referuan Prokurorisë së Durrësit për veprime të mëtejshme