Një 25-vjeçar shqiptar u arrestua nga policia belge pasi u kap me 13 kg kokainë të enjten e 17 tetorit.
I dyshuari tërhoqi vëmendjen e një ekipi patrullimi në Tangent (B101) në Mechelen, për shkak të manpovrave që bënte me automjetin e tij.
Destinacioni i tij doli të ishte një dyqan në Nekkerspoelstraat, ku bleu tetë çanta shpine.
Më pas i riu shqiptar ka vazhduar rrugën deri në Ixelles, ndërkohë që policia po e mbante nën vëzhgim.
Pak minuta më vonë atij iu bashkua një burrë i cili la një çantë sportive në makinë dhe u largua menjëherë nga zona.
Pas kësaj oficerët e ndoqën dhe ndaluan 25 vjeçarin.Gjatë kontrollit në çantën sportive ata gjetën disa pako me kokainë me peshë totale mbi 13 kilogramë.
Lënda narkotike dhe makina u sekuestruan në cilësinë e provës materiale.
Discussion about this post